Laut Programm sollte mer géint 08:00 opstoen well mer jo schliesslech vill kucke wollten. Wou den “Housekeeping” ons dun um 12:00 wakrech gemeet huet hun mir den Dag mam Mettegiessen ugefaangen an net mam Frühstück … den Jasper huet daat op alle Fall net gestéiert 🙂

Duerno sin mer op Asakusa mam Metro gefuer an hun do dem Sanja Matsuri Festival nogekuckt. Do sin mer dann och als “Ronn Aan” interviewed gin. Den Jasper wor en beschen skeptesch an op d’Fro waat mech bis elo um meeschten iwerrascht huet, hun ech soss neischt fonnt ze soen wei ……….. euhhhh d’Toiletten ….. ech huelen mol den Jetlag als Excuse 😉

Weider geet ons Rees an den Ueno Parc wou natierlech all Attractioun (ausser dem Starbucks) um 17:00 zou mescht. Daat wor awer net schlemm, mir hun eng kleng Spillplaatz fonnt wou den Jasper sech herrlech ameséiert huet. An d’Taatsaach daat hien wéi bei ons den eenzegen klengen Asiat op der Spillplaatz as, huet net méi gehollef fir hien direkt ze fannen. Den Jasper huet sech just gewonnert daat do keen Lëtzebuergesch versteet.

Ah jo, … onendbierlech Traditioun an grousse Stied –> Hard Rock Café an déi éischt Nudelen fir onsen Jong.