Haut wor et dann esou weit, 8712km geflunn fir 5 Minuten mat der Madame Riichterin ze schwätzen. Et as (bis op eng Kläpperei am Geriichtsraum …… et ass mai Buch, neeeee et ass mai Buch ….) alles gut gaangen. D’Mama huet d’Situatioun mat den Jungs défuséiert an den Papa huet der Riichterin gelaach an op hier Froen geäntwert. No 5 Minuten huet se ons vill Glëck fir ons Zukunft an vill Freed mam Ellie gewënscht an Äddi gesoot.

No gefillten 8712km zereck mam Metro vun Süd-West Seoul (iwert Gangam) an den Hotel hun mer ons fresch gemeet an sin dun nach Richtung D-Cube gedüst fir onst Verspriechen ze haalen. D’Jongen hun sech do am Apple Kid’s Café gut ameséiert. Als Iwerraschung koum d’Umma nach eemol Äddi soen, an mir hun zesummen bei engem “eschten” koreaneschen Italiener giess, ….. d’Pizza wor zwar ongewinnt mee iwerraschend gut 😀

Elo spille mer nach eng Partie Tetris mat den Valisen an dann nana, muer um 10:30 geet et dann schon Richtung Flughafen. Äddi Seoul bis an 8 Wochen ….. 🙂